काठमाडौंमा ३७७ सहित थप ११११ मा कोरोना : १८३ को मृत्यु, ३५५२९ संक्रमित, २००७३ डिस्चार्ज (भिडियोसहित)

होलिस्टिक संवाददाता

काठमाडौंमा ३७७ सहित थप ११११ मा कोरोना १८३ को मृत्यु, ३५,५२९ संक्रमित, २०,०७३ डिस्चार्ज (भिडियोसहित)काठमाडौं, १० भदौ ।नेपालमा करोनाभाइरसका संक्रमितको संख्या ३५,५२९ पुगेको छ । यीमध्ये १८३ जनाको मृत्यु भैसकेको छ भने २०,०७३ जना आइसोलेसनबाट डिस्चार्ज भएर आ–आफ्नो घर गैसकेका छन् र १५,२७३ जना सक्रिय संक्रमित आइसोलेसनमा छन् ।

स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले बिहीबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा काठमाडौंमा २७०, ललितपुरमा ६६ र भक्तपुरमा ४१ गरी राजधानी उपत्यकामा ३७७ सहित देशभरबाट ११११ जनामा कोरोनाभाइरसको संक्रमण पुष्टि भएको छ । यो एक दिनमा ५६९ जना आइसोलेसनबाट डिस्चार्ज भएर आ–आफ्नो घर फर्किएका छन् ।

पछिल्लो २४ घन्टामा थप ८ जना कोरोना संक्रमितको मृत्यु भएको छ । यतिबेला ९,४४८ जना देशभरका विभिन्न क्वारेन्टाइनमा रहेका छन् । देशभर ९,०६३ जना संक्रमित संस्थागत आइसोलेसनमा छन् भने ६,२१० जना होम आइसोलेसनमा रहेका छन् । पछिल्लो २४ घन्टामा १२,६२९ जनाको पीसीआर परीक्षण गरिएको मन्त्रालयले जनाएको छ ।

भिडियाेमा हेर्नाेस् प्रवक्ता गाैतमकाे ब्रिफिङ–

Press Briefing on COVID-19 Ministry of Health and Population-Nepal 2077.05.11

Press Briefing on COVID-19 Ministry of Health and Population-Nepal 2077.05.11#COVID-19

Publiée par Ministry of Health and Population-Nepal sur Jeudi 27 août 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)