काठमाडौंमा ४२९ सहित थप १२२१ मा कोरोना : २२१ को मृत्यु, ३८,५६१ पुगे संक्रमित, २०,८२२ डिस्चार्ज (भिडियोसहित)

होलिस्टिक संवाददाता

नेपालमा कोरोनाभाइरसका संक्रमितको संख्या ३८,५६१ पुगेको छ । यीमध्ये २२१ जनाको मृत्यु भैसकेको छ भने २०,८२२ जना आइसोलेसनबाट डिस्चार्ज भएर घर गैसकेका छन् र १७,५१८ जना सक्रिय संक्रमित आइसोलेसनमा रहेका छन् ।

स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले आइतबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा काठमाडौंमा ३७२, ललितपुरमा १२ र भक्तपुरमा ४५ गरी राजधानी उपत्यकामा ४२९ सहित देशभर थप १२२१ जनामा कोरोनाभाइरसको संक्रमण पुष्टि भएको छ । देशभरका विभिन्न प्रयोगशालामा १२,७१७ जनाको पीसीआर परीक्षण गर्दा ३४८ महिला र ८७३ पुरुष गरी १२२१ जनामा संक्रमण पुष्टि भएको उनले बताए ।

पछिल्लो २४ घन्टामा ४ महिला र १० पुरुष गरी १४ जना कोरोना संक्रमितको मृत्यु भएको छ । सुनसरी, बारा, महोत्तरी र काठमाडौंका १–१ जना महिलाको मृत्यु भएको हो । त्यसैगरी, महोत्तरी र रुपन्देहीका २–२ तथा सुनसरी, मोरङ, रौतहट, ललितपुर, भक्तपुर र नवलपरासीका १–१ जना पुरुषको मृत्यु भएको हो ।

पछिल्लो २४ घन्टामा २६७ जना आइसोलेसनबाट डिस्चार्ज भई आ–आफ्नो घर गएका छन् । सक्रिय संक्रमितमध्ये १०,६१२ जना संस्थागत आइसोलेसनमा र ६,९०० जना होम आइसोलेसनमा रहेको प्रवक्ता गौतमले बताए छ । यतिबेला देशभरका विभिन्न क्वारेन्टाइनमा ७,७९७ जना रहेको उनको भनाइ छ ।

भिडियोमा हेर्नोस् प्रवक्ता गौतमको ब्रिफिङ–

Press Briefing on COVID-19 Ministry of Health and Population-Nepal 2077.05.14

Press Briefing on COVID-19 Ministry of Health and Population-Nepal 2077.05.14#COVID-19

Publiée par Ministry of Health and Population-Nepal sur Dimanche 30 août 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)