काठमाडौंमा २९८ सहित थप ८९९ मा कोरोना : २२८ को मृत्यु, ३९४६० पुगे संक्रमित, २१४१० डिस्चार्ज (भिडियोसहित)

होलिस्टिक संवाददाता

नेपालमा कोरोनाभाइरसका संक्रमितको संख्या ३९,४६० पुगेको छ । यीमध्ये २२८ जनाको मृत्यु भैसकेको छ भने २१,४१० जना आइसोलेसनबाट डिस्चार्ज भएर घर फर्किएका छन् र १७,८२२ जना सक्रिय संक्रमित आइसोलेसनमा रहेका छन् ।

स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले सोमबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा ११,१२९ जनाको पीसीआर परीक्षण गर्दा काठमाडौंमा १९०, ललितपुरमा ६७ र भक्तपुरमा ४१ गरी राजधानी उपत्यकामा २९८ सहित देशभर थप ८९९ जनामा कोरोनाभाइरसको संक्रमण पुष्टि भएको छ । यीमध्ये ३०३ महिला र ५९६ पुरुष रहेको उनले बताए ।

सक्रिय संक्रमितमध्ये १०,७०१ संस्थागत आइसोलेसनम ७,१२१ जना होम आइसोलेसनमा रहेको मन्त्रालयले जनाएको छ । पछिल्लो २४ घन्टामा ४ वर्षीया बालिकासहित थप ७ जना कोरोना संक्रमितको मृत्यु भएको छ । ती बालिकासहित ३ महिला र ४ पुरुषको मृत्यु भएको हो । महोत्तरीमा ४ वर्षीया बालिका तथा गोरखामा ६५ वर्षीया र रुपन्देहीमा ६८ वर्षीया संक्रमित महिलाको मृत्यु भएको छ भने झापामा ८६ वर्षीय, रौतहटमा ४० वर्षीय, चितवनमा ७८ वर्षीय र भक्तपुरमा ७७ वर्षीय पुरुषको मृत्यु भएको मन्त्रालयले जनाएको छ ।

भिडियोमा हेर्नोस् प्रवक्ता गौतमको ब्रिफिङ–

Press Briefing on COVID-19 Ministry of Health and Population-Nepal 2077.05.15

Press Briefing on COVID-19 Ministry of Health and Population-Nepal 2077.05.15#COVID-19

Publiée par Ministry of Health and Population-Nepal sur Lundi 31 août 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)