हालसम्मकै उच्च संक्रमणदर : २४ घन्टामै २ हजार २० ! (भिडियाे र चार्टसहित)

होलिस्टिक संवाददाता

नेपालमा अहिलेसम्मका सबै रेकर्ड तोड्दै पछिल्लो २४ घन्टामा २ हजार २० जनामा कोरोनाभाइरसको संक्रमण पुष्टि भएको छ । ११ हजार ४ सय ५८ जनाको पीसीआर परीक्षण गर्दा यो संख्याका संक्रमितको पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घन्टामा काठमाडौमा ६९८, भक्तपुरमा ८२ र ललितपुरमा ७९ जना गरी राजधानी उपत्यकामा मात्रै थप ६९८ जनामा कोरोनाभाइरसको संक्रमण पुष्टि भएको छ । हालसम्म कोरोना संक्रमितको कूल संख्या ६१,५९३ पुगेको छ भने यीमध्ये ३९० जनाको मृत्यु भैसकेको छ र ४३,८२० जना आइसोलेसनबाट डिस्चार्ज भएका छन् ।

मन्त्रालयका प्रवक्ता प्राडा जागेश्वर गौतमले शुक्रबारको नियमित मेडिया ब्रिफिङमा दिएको जानकारीअनुसार यतिबेला देशभर १७ हजार ३ सय ८३ जना सक्रिय संक्रमित छन् । यीमध्ये ९ हजार २ सय ९५ जना संस्थागत आइसोलेसनमा र ८ हजार ८८ जना होम आइसोलेसनमा रहेका छन् । १ सय ७३ जना आईसीयूमा र ३६ जना भेन्टिलेटरमा उपचाररत छन् ।

यतिबेला मोरङ, सिरहा, सुनसरी, ललितपुर, मकवानपुर, चितवन, काठमाडौं, भक्तपुर र रुपन्देहीमा ५ सय जनाभन्दा बढी संक्रमित छन् भने सोलुखुम्बू, मुस्ताङ, डोल्पा, रसुवा, हुम्ला र मुगुमा संक्रमित संख्या शून्य छ ।

भिडियोमा हेर्नोस् प्रवक्ता गौतमको ब्रिफिङ–

Press Briefing on COVID-19 Ministry of Health and Population-Nepal 2077.06.02

Press Briefing on COVID-19 Ministry of Health and Population-Nepal 2077.06.02#COVID-19

Publiée par Ministry of Health and Population-Nepal sur Vendredi 18 septembre 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)