पोशाकका शौखिन डाक्टर

वीर अस्पताल क्लिनिकल अङ्कोलोजी विभागका प्रमुख तथा एसोसियटेड प्रोफेसर हुन्, डा. विवेक आचार्य । क्यान्सरका बिरामीको सेवामा तल्लीन रहनु उनको दैनिकी हो । अग्लो कद, शरीर सुहाउँदो र चटक्क मिलेको पोशाक लगाएर बिरामीको सेवामा खट्ने डा. आचार्य उत्तिकै मिजासिला पनि छन् । बिरामीसँग कहिल्यै नरिसाउने उनी ज्यादै आत्मीय व्यवहार गर्छन् । डाक्टरले आत्मीय व्यवहार गर्दा बिरामीले आफ्ना समस्या खुलस्त बताउने अवसर त पाउँछन् नै, आत्मबल समेत ह्वात्तै बढ्छ ।

५ फिट ११ इन्चको उचाईका ४९ वर्षीय आचार्यको तौल ८२ किलोग्राम छ । उचाईको तुलनामा तौल केही बढी नै भए तापनि उनको शरीरिक बनावट भने आकर्षक र सुन्दर छ । २१ वर्षदेखि चिकित्सकीय सेवारत डा. आचार्य बिरामीको सेवामा जति तल्लीन हुन्छन्, आफूले लगाउने पोशाकप्रति पनि त्यत्तिकै सचेत हुन्छन् । उनै क्यान्सर रोग विशेषज्ञसँग हाेलिस्टिककर्मीले गरेको पोशाक–संवाद ।

पोशाकमा कत्तिको सचेत हुनुहुन्छ ?

छु । बिरामीको सेवामा धेरै समय बिताउनुपर्ने भएकाले पोशाक लगाउँदा विचार त पु¥याउनै प¥यो ।

कस्ता पोशाक लगाउन मन पर्छ ?

मेरो कपडा छनोट प्रक्रिया चाहिँ पोशाकमा भर पर्छ । मलाई प्रायः जेन्टल कलरका कपडा मन पर्छन् । कम्फर्टेबल पोशाक लगाउँछु । छनौट गर्दा नै हिँडडुल गर्न सहज हुने किसिमका पोशाक छान्छु । पहिले–पहिले डाक्टर भनेपछि कोट, टाई, सुट लगाउने चलन थियो तर मलाई त्यो मन पर्दैन । आफूलाई सजिलो लाग्ने अनि सुहाउँदो कपडा लगाउन मन पर्छ । शारीरिकरूपमा सहज हुने किसिमका कपडा लगाउँछु ।

तपाईंको पोशाकका धेरैजसो ‘आइटम’ के–के हुन्छन् ?

म औपचारिक किसिमका पोशाक कम लगाउँछु । धेरैजसो जिन्सको पाइन्ट, टिसर्ट र कोट लगाउँछु ।

जाडो मौसममा के–के लगाउनु हुन्छ ?

जाडो मौसममा प्रायः सर्ट, स्वेटर, ज्याकेट र भुवादार जिन्स पाइन्ट लगाउँछु ।

अनि गर्मीमा नि ?

गर्मीमा प्रायः पातलो जिन्स पाइन्ट र टिर्सट लगाउँछु ।

पोशाक किन्न कत्तिको शौख लाग्छ ?

रमाइलो लाग्छ । ९० प्रतिशत लुगा आफैं किन्छु ।

लगाउने पोशाकमा बार्षिक कति खर्च गर्नु हुन्छ ?

औसतमा करिव तीस हजार जति त लुगामै खर्चन्छु । एक सिजनमा चार–पाँच वटा पाइन्ट, चार–पाँच वटा टिसर्ट, चार–पाँच वटा सर्ट किन्छु । अरु सातातिना कपडा बेला–बेलामा किनिहालिन्छ ।

त्यसो भए कपडा त टन्नै होलान् नि ?

झन्डै एक सय जोर त होलान् । धेरै पुराना, दस वर्ष अगाडिका पनि छन् । फाल्न माया लाग्छ; पुराना भए पनि राखिरहन्छु ।

दैनिक फरक–फरक लुगा लगाउनुहुन्छ ?

सामान्यतः दुई दिनमा फेर्छु ।

कस्तो रङ्गका कपडा मन पर्छन् ?

प्रायः कालो, नीलो, खरानी, क्रिम रङ्गका लगाउँछु । चहकिलो र रातो कमै लगाउँछु ।

कपडा नेपालमै किन्नुहुन्छ कि विदेशमा ?

कामविशेषले विदेश गइरहनुपर्ने हुन्छ । धेरैजसो कपडा त अष्टे«लिया, जापान, इन्डियाबाट फर्कंदा ल्याउँछु । नेपालमा किन्नुपर्दा प्रायः ठमेलमा किन्ने गरेको छु ।

प्रायः नेपाली ब्रान्डका कपडा लगाउनुहुन्छ कि विदेशी ?

कहाँ बनेको भनेर त्यति ध्यान दिन्नँ, मन परेका कपडा किनिहाल्छु ।

चिकित्सक पेशा अँगालेका व्यक्तिले ‘डे«स सेन्स’ मा कत्तिको ध्यान दिनुपर्छ जस्तो लाग्छ ?

ध्यान त दिनैपर्‍यो । सामान्यतः विश्वभर नै चिकित्सकले फर्ममल पोशाक लगाउने चलन हुन्छ । विदेशमा धेरैजसो फर्मल पोशाकमा जोड दिइन्छ । कम्फर्टेबल पोशाक लगाउनुपर्छ ।

चिकित्सकीय पेशा अँगालेका व्यक्तिले कस्ता पोशाक लगाउनु उचित ठान्नुहुन्छ ?

बिरामीसँग घुलमिलत त हुनैपर्‍यो । पोशाकचाहिँ चिटिक्क लगाएर बिरामीसँगको व्यवहारचाहिँ खरो गर्नु ठीक होइन । औपचारिक कसिमका पोशाक लगाए पनि व्यवहार राम्रो हुनुपर्छ । सकेसम्म सिम्पल पोशाक लगाउनु उचित हुन्छ ।

जुत्ताको पनि कुरा गरौं, जुत्ता कस्तो मन पर्छ ?

नरम, लेदरका जुत्ता मन पर्छ । लगाउँदा हिँड्न सहज हुने किसिमका लगाउँछु । औपचारिक र अनौपचारिक दुवै किसिमका लगाउँछु ।

कति जोर छन् जुत्ता ?

दस जोर ।

वर्षमा कति जोर जुत्ता किन्नु हुन्छ ?

दुई–तीन जोर किन्छु । छ महिनासम्म एउटै लगाउँछु, त्यो फाटेपछि मात्रै अर्को जोर लगाउँछु ।

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)