शुक्रबार एकै दिन १४ जनामा पुष्टि : कोरोना संक्रमित ३० पुगे नेपालमा

होलिस्टिक संवाददाता

नेपालमा शुक्रबार एकै दिन थप १४ जनामा कोरोनाभाइरस संक्रमण पुष्टि भएको छ । यो तथ्यांकसहित अब देशभित्र कोरोनाभाइरस (कोभिड– १९) संक्रमितको संख्या ३० पुगेको छ । स्वास्थ्य तथा जनसंख्या मन्त्रालयले शुक्रबार साँझ अफिसियल फेसबुक पेजमा नयाँ संक्रमितहरूबारे पुष्टि गरेको हो ।

‘हालको अध्यावधिक विवरणअनुसार कोभिड- १९ को जम्मा पुष्टि भएको संख्या ३०, जसमध्ये आज मात्रै १४ जनामा नयाँ पुष्टि भएको छ । जसमध्ये उदयपुर जिल्लाका १२ वटा (१२ जनै पुरुषः ३४, २९, २६, २८, २८, २८, २८, २२, २५, २०, ४० र २९ वर्षिय) र चितवन जिल्लाका २ वटा केस (२७ वर्षीय पुरुष र ६३ वर्षिय महिला)’स्वास्थ्य तथा जनसंख्या मन्त्रालयको पेजमा लेखिएको छ ।

त्यसैगरी, राष्ट्रिय स्वास्थ्य शिक्षा सूचना तथा सञ्चार केन्द्रकाे पेजमा लेखिएको छ– ‘आज मात्रै १४ जनामा नयाँ पुष्टि भएको छ । जसमध्ये उदयपुर जिल्लाका १२ वटा (१२ जनै पुरुषः ३४, २९, २६, २८, २८, २८, २८, २२, २५, २०, ४० र २९ वर्षिय) र चितवन जिल्लाका २ वटा केस (२ पुरुष, २७ र ६३ वर्षिय) ।’

स्वास्थ्य तथा जनसंख्या मन्त्रालयद्वारा शुक्रबार साँझ फेसबुक पेजमा प्रकाशित जानकारी–

राष्ट्रिय स्वास्थ्य शिक्षा सूचना तथा सञ्चार केन्द्रद्वारा फेसबुक पेजमा प्रकाशित जानकारी–

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)