कोरोना संक्रमित १४०१ पुगे : फेरि थपिए १८९, डिस्चार्ज भए २१९ (भिडियोसहित)

होलिस्टिक संवाददाता

नेपालमा कोरोनाभाइरस (कोभिड– १९) का संक्रमितको संख्या १४०१ पुगेको छ । पछिल्लो २४ घन्टामा थप १८९ जनामा संक्रमण पुष्टि भएसँगै यो संख्या पुगेको हो ।

यसअघि संक्रमण पुष्टि भएकामध्ये हालसम्म २१९ जना निको भएर घर फर्किएका छन् भने ६ जना संक्रमितको मृत्यु भैसकेको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले शनिबारको नियमित मेडिया ब्रिफिङमा बताएअनुसार पछिल्ला संक्रमितमध्ये १८५ पुरुष र ४ महिला रहेका छन् ।

राष्ट्रिय जनस्वास्थ्य प्रयोगशाला टेकुमा भएको परीक्षणबाट १ सय २४ जनामा कोरोनाभाइरसको संक्रमण पुष्टि भएको छ । काठमाडौंमा पुष्टि भएकामध्ये कपिलवस्तुका ७७, धनुषाका ७, झापाका १, ललितपुकार १, महोत्तरीका ४ जना र रौतहटका ६, सर्लाहीका १७ र सिरहाका ११ जना जना रहेको डा. देवकोटाले बताए ।

रुपन्देहीमा भएको परीक्षणबाट कपिलवस्तुका २९ जनासहित ३६ जनामा कोरोना संक्रमण पुष्टि भएको छ । बीपी कोइराला राष्ट्रिय स्वास्थ्य जिज्ञान प्रतिष्ठानमा भएको परीक्षणबाट सप्तरीका ९ जनामा कोरोना पुष्टि भएको छ ।

राप्ती स्वास्थ्य विज्ञान प्रतिष्ठानमा भएको परीक्षणबाट दाङका १३ र कपिलवस्तुका ३ गरी १६ जनामा कोभिड– १९ पुष्टि भएको छ । वीरगञ्जमा भएको परीक्षणबाट बाराका १ र पर्साका २ गरी ३ जनामा कोरोना पुष्टि भएको छ ।

कर्णाली स्वास्थ्य विज्ञान प्रतिष्ठानमा गरिएको परीक्षणबाट दैलेखका १४ जनामा कोरोना पुष्टि भएको छ भने विराटनगरस्थित कोशी अस्पतालमा भएको परीक्षणबाट संखुवासभाका २ जनामा कोभिड– १९ को संक्रमण पुष्टि भएको छ ।

भिडियोमा हेर्नोस् डा. देवकोटाको ब्रिफिङ–

Novel Coronavirus (COVID-19) Media Briefing 2077.02.17

Novel Coronavirus (COVID-19) Media Briefing 2077.02.17#COVID-19

Publiée par Ministry of Health and Population-Nepal sur Samedi 30 mai 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)