८६०५ पुगे संक्रमित : शनिबार थपिए ३३१, कूल डिस्चार्ज १५७८ (भिडियोसहित)

होलिस्टिक संवाददाता

नेपालमा कोरोनाभाइरसका कूल संक्रमितको संख्या ८,६०५ पुगेको छ । पछिल्लो २४ घन्टामा थप ३३१ जनामा संक्रमण पुष्टि भएसँगै संक्रमितको संख्या ८ हजार ६ सय नाघेको हो ।

स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले शनिबारको नियमित मेडिया ब्रिफिङमा दिएको जानकारीअनुसार ७५६ महिला र ७८४९ पुरुष गरी हालसम्म नेपालमा ८,६०५ जनामा कोेभिड– १९ को संक्रमण पुष्टि भएको छ । पछिल्लो २४ घन्टामा ४९ महिला र २८२ पुरुष गरी ३३१ जनामा कोरोनाभाइरस संक्रमण पुष्टि भएको जानकारी प्रा.डा. गौतमले दिए ।

यसअघि संक्रमण पुष्टि भएर आइसोलेसनमा रहेकामध्ये पछिल्लो २४ घन्टामा १७६ जना डिस्चार्ज भएर घर फर्किएका छन् । पछिल्लो २४ घन्टामा ७४१६ नमूनाको पीसीआर परीक्षण गरिएको मन्त्रालयले जनाएको छ । हालसम्म कूल १ लाख ६९ हजार १ सय ६५ जनाको पीसीआर प्रविधिबाट परीक्षण भएको प्रवक्ता गौतमले बताए ।

यतिबेला देशभर १ लाख २ हजार २ सय ४५ जना क्वारेन्टाइनमा छन् भने ७ हजार ५ जना आइसोलेसनमा उपचाररत रहेका छन् । हालसम्म नेपालका ७७ मध्ये ७४ जिल्लामा कोरोना संक्रमण फैलिइसकेको छ । रसुवा, ओखलढुङ्गा र मुस्ताङबाहेक सबै जिल्लामा सङ्क्रमण देखिइसकेको छ ।

भिडियोमा हेर्नोस् प्रा.डा. गौतमको ब्रिफिङ–

Press Briefing on COVID-19 Ministry of Health and Population-Nepal 2077.03.06

Press Briefing on COVID-19 Ministry of Health and Population-Nepal2077.03.06#COVID-19

Publiée par Ministry of Health and Population-Nepal sur Samedi 20 juin 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)