१० हजार नाघे संक्रमित : मंगलबार थपिए ५३८, कूल डिस्चार्ज २,२२४, मृतक २४ पुगे (भिडियाेसहित)

होलिस्टिक संवाददाता

नेपालमा कोरोनाभाइरसका संक्रमितको कूल संख्या १००९९ पुगेको छ । पछिल्लो २४ घन्टामा थप ५३८ जनामा संक्रमण पुष्टि भएसँगै संक्रमितको संख्या १० हजार नाघेको हो । कोरोनाबाट मृत्यु हुनेको संख्या २४ पुगेको छ भने संक्रमण पुष्टि भएर आइसोलेसनमा रहेकामध्ये डिस्चार्ज हुनेको कूल संख्या २२२४ पुगेको छ ।

स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले मंगलबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा ९० महिला र ४४८ पुरुष गरी थप ५३८ जनामा कोरोना संक्रमण पुष्टि भएको हो । पछिल्लो २४ घन्टामा ७६ जना आइसोलेसनबाट डिस्चार्ज भएको पनि उनले जनाएका छन् । पछिल्लो पटक दैलेखका ४५ वर्षिय कोरोना संक्रमित क्षयरोग र दमको बिरामी पुरुषको मृत्यु भएसँगै कोरोनाबाट ज्यान गुमाउनेको कूल संख्या २४ पुगेको पनि प्रा.डा. गौतमले बताए ।

यतिबेला ७ हजार ८ सय ५१ संक्रमित विभिन्न अस्पतालको आइसोलेसनमा उपचाररत छन् । पछिल्लो २४ घन्टामा पीसीआर विधिबाट ४ हजार ९ सय ९५ र हालसम्म कूल १ लाख ८६ हजार ३ सय ६६ जनाको परीक्षण भएको प्रवक्ता गौतमको भनाइ छ । यतिबेला देशभर गरी ८५ हजार ८ सय १३ जना क्वारेन्टाइनमा छन् ।

भिडियोमा हेर्नोस् प्रवक्ता गौतमको ब्रिफिङ–

Press Briefing on COVID-19 2077.03.09

Press Briefing on COVID-19 2077.03.09#COVID-19

Publiée par Ministry of Health and Population-Nepal sur Mardi 23 juin 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)