१४,०४६ पुगे संक्रमित : ४८२ थपिए बुधबार, ४,६५६ डिस्चार्ज, ३० पुगे मृतक (भिडियोसहित)

होलिस्टिक संवाददाता

नेपालमा कोरोनाभाइरसका संक्रमितको संख्या १४,०४६ पुगेको छ । यसअघि संक्रमण पुष्टि भएर आइसोलेसनमा रहेकामध्ये डिस्चार्ज हुनेको संख्या ४,६५६ पुगेको छ भने कोरोना संक्रमणबाट ज्यान गुमाउनेको संख्या ३० पुगेको छ ।

चैत ११ देखि सरकारले लागू गरेको लकडाउनको १००औं दिन पूरा भएकै दिन बुधबार मात्र ११७ महिला र ३६५ पुरुष गरी थप ४८२ जनामा कोरोनाभाइरस संक्रमण पुष्टि भएको छ । आइसोलेसनमा उपचाररत संक्रमितमध्ये पछिल्लो २४ घन्टामा १४६२ जना डिस्चार्ज गरिएका छन् ।

स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले बुधबारको नियमित मेडिया ब्रिफिङमा दिएको जानकारीअनुसार नेपालमा कोरोनाभाइरसको संक्रमणबाट मृत्यु हुनेको संख्या ३० पुगेको छ । अछामका ४५ वर्षीय पुरुषको असार १४ मा मृत्यु भएको र उनमा कोरोना संक्रमण पुष्टि भएको जानकारी मन्त्रालयले बुधबार गराएको हो ।

भिडियाेमा हेर्नाेस् प्रा.डा. गाैतमकाे ब्रिफिङ–

Press Briefing on COVID-19 2077.03.17

Press Briefing on COVID-19 2077.03.17#COVID-19

Publiée par Ministry of Health and Population-Nepal sur Mercredi 1 juillet 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)