१५,२५९ पुगे संक्रमित : शुक्रबार थपिए ७४०, कूल डिस्चार्ज ६,१४३, मृतक ३२ (भिडियोसहित)

होलिस्टिक संवाददाता

नेपालमा कोरोनाभाइरसका संक्रमितको संख्या १५,२५९ पुगेको छ । यसअघि संक्रमण पुष्टि भएर आइसोलेसनमा रहेकामध्ये डिस्चार्ज हुनेको संख्या ६,१४३ पुगेको छ भने कोरोना संक्रमणबाट ज्यान गुमाउनेको संख्या ३२ पुगेको छ । यतिबेला देशभर ३५,४३२ जना क्वारेन्टाइनमा छन् भने ९,०८४ जना विभिन्न अस्पतालको आइसोलेसनमा उपचाररत छन् ।

स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले शुक्रबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा थप ७४० जनामा कोरोनाभाइरसको संक्रमण पुष्टि भएको छ । त्यसैगरी, पछिल्लो २४ घन्टामा ८२३ जना आइसोलेसनबाट डिस्चार्ज भएका छन् । डिस्चार्ज हुनेको कूल संख्या ६,१४३ पुगेको छ ।

कोरोना संक्रमण नयाँ बानेश्वर, काठमाडौंका ८५ वर्षीय पुरुषको मृत्यु भएको शुक्रबार पुष्टि हुँदा कोरोनाबाट ज्यान गुमाउनेको कूल संख्या ३२ पुगेको छ । शुक्रबार पीसीआर विधिबाट ४ हजार ४ सय ८३ वटा नमुना परीक्षण भएका छन् । हालसम्म पीसीआर विधिबाट २ लाख ४२ हजार २ सय ४७ जनाको परीक्षण भैसकेको जानकारी प्रवक्ता गौतमले दिएका छन् ।

भिडियोमा हेर्नोस् प्रवक्ता गौतमको ब्रिफिङ–

Press Briefing on COVID-19 2077.03.19

Press Briefing on COVID-19 2077.03.19#COVID-19

Publiée par Ministry of Health and Population-Nepal sur Vendredi 3 juillet 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)