काठमाडौंमा ८७ सहित थप ३६० मा कोरोना : एकै दिन ५ सहित ६५ को मृत्यु, २१,७५० संक्रमित, १५,३८९ डिस्चार्ज (भिडियोसहित)

होलिस्टिक संवाददाता

नेपालमा कोरोनाभाइरसका संक्रमितको संख्या २१,७५० पुगेको छ । यीमध्ये ६५ जनाको मृत्यु भैसकेको छ भने १५,३८९ जना आइसोलेसनबाट डिस्चार्ज भई आ–आफ्नो घर गएका छन् । यतिबेला ६,२९२ जना संक्रमित विभिन्न अस्पतालको आइसोलेसनमा उपचाररत छन् ।

स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले बिहीबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा थप ५ जना कोरोनाभाइरसका संक्रमितको मृत्यु भएको छ । पछिल्लो २४ घन्टामा काठमाडौं उपत्यकामा ८७ जनासहित देशभरबाट ३६० जना संक्रमित थपिएको र २३३ जना आइसोलेसनबाट डिस्चार्ज भएको समेत प्रवक्ता गौतमले जनाएका छन् ।

५ संक्रमितकाे मृत्यु एकै दिन

पछिल्लो २४ घन्टामा सर्लाहीका १ मोरङका २, धनुषाका १ र सप्तरीका १ जना गरी ५ जना कोरोना संक्रमितको मृत्यु भएको प्रवक्ता प्रा.डा. गौतमले जानकारी दिएका छन् । बिहीबार मन्त्रालयले जनाएअनुसार काठमाडौंमा ७६, भक्तपुरका १ र ललितपुरमा १० जना गरी राजधानी उपत्यकाभित्र ८७ जना कोरोनाभाइरसका संक्रमितको पुष्टि भएको छ ।

भिडियोमा हेर्नोस् प्रवक्ता गौतमको ब्रिफिङ–

Press Briefing on COVID-19 Ministry of Health and Population-Nepal 2077.04.22

Press Briefing on COVID-19 Ministry of Health and Population-Nepal 2077.04.22#COVID-19

Publiée par Ministry of Health and Population-Nepal sur Jeudi 6 août 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)