काठमाडौंमा २०८ सहित थप ८३८ मा कोरोना : १३७ को मृत्यु, ३०४८३ संक्रमित, १८२१४ डिस्चार्ज (भिडियोसहित)

होलिस्टिक संवाददाता

नेपालमा कोरोनाभाइरसका संक्रमितको संख्या ३०,४८३ पुगेको छ । यीमध्ये १३७ को मृत्यु भैसकेको छ, १८,२१४ आइसोलेसनबाट डिस्चार्ज भई आ–आफ्नो घर गैसकेका छन् र १२,१३२ जना विभिन्न अस्पताल, आइसोलेसन सेन्टर तथा आ–आफ्नै घरमा आइसोलेसनमा रहेका छन् ।

स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले शुक्रबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा काठमाडौंमा १८२, ललितपुरमा २५ र भक्तपुरमा १ जना गरी २०८ सहित देशभरबाट थप ८३८ जनामा कोरोनाभाइरसको संक्रमण पुष्टि भएको छ । यो विवरणसँगै नेपालमा कोभिड– १९ का संक्रमितको संख्या ३० हजार नाघेको हो ।

पछिल्लो २४ घन्टामा २५० जना आइसोलेसनबाट डिस्चार्ज भएका छन् । यतिबेला कायम रहेका १२,१३२ सक्रिय संक्रमितमध्ये ८,५४६ जना संस्थागत आइसोलेसनमा र ३,५८६ जना होम आइसोलेसनमा रहेको प्रा.डा. गौतमले जनाएका छन् । पछिल्लो २४ घन्टामा थप ११ जना कोरोनाभाइरसका संक्रमितको मृत्यु भएको छ । पछिल्लो २४ घन्टामा १३,५७९ जनाको पीसीआर परीक्षण गरिएको मन्त्रालयले जनाएको छ ।

भिडियोमा हेर्नोस् प्रवक्ता गौतमको ब्रिफिङ–

Press Briefing on COVID-19 Ministry of Health and Population-Nepal 2077.05.05

Press Briefing on COVID-19 Ministry of Health and Population-Nepal 2077.05.05#COVID-19

Publiée par Ministry of Health and Population-Nepal sur Vendredi 21 août 2020

Leave a Reply

Your email address will not be published. Required fields are marked *

Powered By: Code Logic Technologies Pvt. Ltd. Develop/Design: Shobhit Nepal © Holistic Health Pvt. Ltd. (2020)